Osasun-asistentzia atzerrian

Orrialdearen edukia

Jarraian, enpresa batek langile bati atzerrira joanaraztean eman beharreko pausoak zehazten dira.

Behar diren dokumentuak webgunearen inprimakien atalean ere deskarga daitezke.

Eman beharreko pausoei buruzko zalantzarik izanez gero, Jarri harremanetan FREMAPekin , esteka honetan sakatuta, edo FREMAP Asistentziaren zenbakira deituta:

+34 91 919 61 61

Izapideak

Europar Batasuneko herrialdeak (EB), Europako Esparru Ekonomikoa eta Suitza:

  1. FREMAPi elkartutako enpresak edo langileak TA.300 inprimakia izapidetu behar du Gizarte Segurantzaren Diruzaintza Orokorraren edozein bulegotan.

  2. Enpresak edo langileak Europako Osasun Txartela eskatu behar du GSIN Gizarte Segurantzako Institutu Nazionalaren arreta eta informaziorako edozein gunetan. Agiria berehala ematen dute, eskatzailea identifikatu orduko.

    EB: Alemania, Austria, Belgika, Bulgaria, Txekiar Errepublika, Zipre, Danimarka, Eslovakia, Eslovenia, Espainia, Estonia, Finlandia, Frantzia, Grezia, Hungaria, Irlanda, Italia, Letonia, Lituania, Luxenburgo, Malta, Herbehereak, Polonia, Portugal, Erresuma Batua, Errumania eta Suedia.

    EEE: Islandia, Liechtenstein eta Norvegia.

    Suitza: Europar Batasuneko herritar diren langileentzat baino ez.

Europatik KANPOKO herrialdeak, Aldebiko hitzarmena sinatuta dutenak:

  1. FREMAPi elkartutako enpresak edo langileak, lekualdatu aurretik, TA.300 inprimakia izapidetu behar du Gizarte Segurantzaren Diruzaintza Orokorraren edozein bulegotan, bai eta xede herrialdeari dagokion inprimakia ere Gizarte Segurantzaren Diruzaintza Orokorraren aurrean.

    Andorra, Argentina, Australia, Brasil, Cabo Verde, Kanada, Txile, Kolonbia, Korea, Ekuador, AEB, Filipinak, Japon, Maroko, Mexiko, Paraguai, Peru, Dominikar Errepublika, Errusia, Tunisia, Turkia, Ukraina, Uruguai eta Venezuela.

  2. Kontingentiza arruntei dagokien estalduradun aseguru pribatu bat hitzartzen duen enpresari/langileari gomendatzen zaio. Osasun-asistentizaren kostua bere gain hartuko du, Mutuaren aldetik itzulketa aukerarik ez dagoen kasuetan.

Lekualdatuentzako dokumentazioaren deskarga taula
Dokumentua Formatua Hizkuntza Tamaina
TA.300 Lekualdatutako langileak. Gizarte Segurantzaren lege aplikagarriari buruzko informazio eskaera pdf formatuan TA.300 (gaztelaniaz) TA.300 (katalanez) TA.300 (euskaraz) TA.300 (galizieraz) TA.300 (valentzieraz) 253KB
Lekualdatutako langileen inprimakiak kanpoko html orrialdea Lekualdatutako langileen inprimakiak (gaztelaniaz) Lekualdatutako langileen inprimakiak (katalanez) Lekualdatutako langileen inprimakiak (euskaraz) Lekualdatutako langileen inprimakiak (galizieraz) Lekualdatutako langileen inprimakiak (valentzieraz) -

Osasun-asistentzia atzerrian

  1. herrialdeko kideak EB eta EEE, Suitzarekin edo osasun-laguntzako aldebiko hitzarmenarekin (Andorra, Brasil, Txile, Ekuador, Maroko, Peru eta Tunisia).

    Herrialde horietan lan-istripua izan eta larrialdiko osasun-asistentziaren beharrean den langileak hau egin behar du:

    • Osasun zentro publikoetara joan.
    • Europako Osasun Txartela erakutsi (EOT).

    Baldintza horiek bete baditu, langileak ez du jasotako asistentziarengatik ezer ordaindu beharko. Egin dioten arretarengatiko faktura kudeatzeaz eskudun diren erakundeak arduratuko dira; esaterako, GSIN , Espainiaren kasuan.

    Hona hemen gerta daitezkeen egoerak:

    • Langileak, zentro publikora helduta, ez du osasun txartela aurkezten: Halakoetan, langileak edo enpresak faktura ordainduko du, eta gero, FREMAPek dirua itzuli ahal izango dio; betiere, bidezko diren agiriak kudeatzaileari aurkeztu ondoren.
    • Langileak, zentro pribatu batera helduta, osasun txartela aurkezten du: Kasu horretan, langileak edo enpresak asistentzia zerbitzua ordainduko dute, eta ez dute dirua atzera jasotzeko aukerarik izango. Bizitza arriskuan jartzen deneko larrialdi-kasuak horietatik salbuetsita egongo dira.
    • Langileak, zentro pribatu batera helduta, ez du osasun txartela aurkezten: Kasu horretan, langileak edo enpresak asistentzia zerbitzua ordainduko dute, eta ez dute dirua atzera jasotzeko aukerarik izango. Bizitza arriskuan jartzen deneko larrialdi-kasuak horietatik salbuetsita egongo dira.
  2. Aldebiko hitzarmena izanagatik, osasun-asistentzia adostu ez duten herrialdeak (Argentina, Australia, Kanada, Kolonbia, AEB, Filipinak, Japonia, Maroko (Marokoko herritar diren langileak izan ezik) Mexiko, Paraguai, Peru, Dominikar Errepublika, Errusia, Tunisia (Tunisiako herritar diren langileak izan ezik); Turkia; Ukraina, Uruguai eta Venezuela).

    Herrialde horietan laneko istripua izan duen langileak jarraian azaldutakoa egin beharko du larrialdiko osasun-asistentzia behar badu:

    • Zentro publiko batera joan.
    • Jasotako osasun-asistentzia ordaindu.
    • Ondoren, osasun-asistentzia jaso duela egiaztatzen duten agiriak aurkeztuta, Mutuari ordaindutakoa itzultzeko eskatu ahal izango dio.

    Eman beharreko pausoei buruzko zalantzarik izanez gero, Jarri harremanetan FREMAPekin , esteka honetan sakatuta, edo FREMAP Asistentziaren zenbakira deituta:

    +34 91 919 61 61

Osasun arrazoiengatiko aberriratzea

Osasun arrazoiengatiko aberriratzea FREMAPeko mediku-taldeak beharrezkotzat jotzen duenean soilik egingo da. Eginez gero, FREMAPek hartuko du bere gain aberriratzearen kostu osoa.

Mutuaren medikuen esku egongo da, betiere, osasun arrazoiengatiko aberriratzea egiteko erabiliko den garraiobidea eta lekualdatzea egiteko unea erabakitzea.

Eman beharreko pausoei buruzko zalantzarik izanez gero, Jarri harremanetan FREMAPekin , esteka honetan sakatuta, edo FREMAP Asistentziaren zenbakira deituta:

+34 91 919 61 61

Ohiko Galderak

  • Istripua izan duen langilearen senitartekoen gastuak (aberriratzean lagunduko diotenenak) barne sartzen al dira?

    EZ. Kasu horietarako, senitartekoari azalduko zaio faktura guztiak gorde behar dituela, gerora tramitatzailearen aurrean aurkezteko. Bidezkoa bada, hark Fremapen prestazio berezien funtsari aurkeztuko dizkio.

  • Larrialdikoak ez diren osasun-asistentziak barne sartzen al dira?

    BESTERIK EZEAN, EZ; istripua izan duen langileak gastu guztien faktura gorde beharko du, gerora tramitatzaileari aurkezteko. Edonola ere, Zerbitzuaren arduradunak eta tramitatzaileak kasuan kasuko balorazioa egingo dute, eta asistentzia estaltzea zilegi den edo ez ebatziko dute.

  • Osasun-zerbitzuetako hegazkinean, istripua izan duenaren senitarteko batek joaterik ba al du?

    Aberriratzea kudeatzen duen hegazkin-konpainiari berari egokituko zaio hori onartzea edo ez. Oro har, halako zerbitzuetarako erabiltzen diren hegazkinen ezaugarriak direla-eta, ez da gomendagarria senitartekoek istripua izandakoarekin bertan bidaiatzea.

  • Langilea medikuaren baja hartuta dagoen arren, aberriratzea justifikatzen duen irizpide medikorik ez badago, zilegi al da osasun arrazoiengatiko aberriratzea egitea?

    Langileak asistentzia atzerrian jaso ahal badu, eta mutuaren medikuak aberriratzea justifikatzen duen arrazoirik ez dagoela uste badu, ez da egingo.

PDF dokumentuei buruzko informazioa: PDF fitxategiak behar bezala ikusteko, instalatuta izan behar duzu Acrobat Reader Esteka hau leiho berri batean irekiko da Adobe-rena.